Më kujtohet përkufizimi i përgjysmores dhe i përmesores, por edhe pa u përpjekur shumë, e di që nuk ka ndonjë ‘emër’ të veçantë përsa i përket asaj që e ndan këndin e trekëndëshit në tre pjesë të barabarta…
Rastësisht, duke ‘bredhur’ në një sit matematikor, ndesha këtë problem interesant:
- Nëse nga këndet e një trekëndëshi i ndajmë në tre pjesë të barabarta dhe zgjasim segmentet që bëjnë këtë ndarje si në figurë, do të shohim se trekëndëshi i formuar nga pikat e ndërprerjes së këtyre segmenteve … është një trekëndësh BARABRINJËS
Një rregullsi që vihet re në çrregullsi, mund të vuhet re dhe në shembullin e mëposhtëm, ku:
- në brinjët e trekëndëshit çfarëdo ABC janë ndërtuar trekëndësha barabrinjës me brinjë sa brinjët e trekëndëshit AB’C, CA’B dhe ABC’… nëse bashkohen qëndrat e trekëndëshave të ndërtuar kështu, formohet gjithmonë një trekëndësh KHL barabrinjës.
Natyrisht që po të viheni që të kërkoni raportet ndërmjet sipërfaqeve ose forma të tjera… do të gjenit dhe ‘rregullsi’ të tjera.
Ndoshta jo gjithçka në kaos është aq e paorganizuar sa ç’duket.
Wow…….!
Rasti i dytë që kisha sjellë sepse më pëlqeu si ‘figurë’, kishte si autor të teoremës… Napoleonin.
Po,po, pikërisht atë N.Bonoparti që e njohim vetëm nëpërmjet historisë si perandor të Francës, por që siç shihet, nuk ishte gjenial vetëm në artin ushtarak.